Gutxigorabehera 12 m-ko diametroa eta 0,75 m-ko altuera dituen tumulu bat da. Oso nahasia dago eta erdian 7 m-ko diametroa eta 0,55 m-ko sakonera dituen krater bat dauka, ekialdera eta hegoaldera zanga moduan zabaltzen dena.
Egituraren eraikuntzan erabilitako materialak bertako hareharriak dira.
J. Altuna, J.M. Apellaniz eta P. Rodriguez Ondarrak induskatu zuten 1963an. Egoera oso hondatuan zegoen egitura bat aurkitu zuten, eta oinarriko harriak handiagoak zirela baino ezin izan zuten egiaztatu (ALTUNA; APELLANIZ; RODRIGUEZ ONDARRA, 1964: 60).
HISTORIA: J. Elosegik aurkitu zuen 1951n.
BITXIKERIA: Tumuloaren azpian, eta Lakiriolara iritsi aurretik, 1910ean jazotako heriotz baten oroigarria ikus daiteke.
