DESKRIBAPENA:
- Antzuola: Antigua auzotik Iriarte eta Irainera (Igirain) doan bidea jarraituz....
- Urkillu (Irimo Barrena): Bertatik hasten omen zen Oñatiko galtzada zaharra, ezkerraldetik zihoana -zati batzuk egin daitezke-. Goian, Arrandariko bidea lagata...
- Irular (Ibular) azpikoa eta gainekoa (Irimo Barrena): Dagoeneko lurjota dauden baserri hauek, herrian lehenengo hustutakoak dira.
- Azaldegieta (Irimo Barrena): Atseden lekua, Landarraitz mendigainera edota garai batean Antzuolako baserririk altuena eta urrutiena zen Astobiagara joateko abiapuntua.
- Trukarriaga edo Turkoarriaga (Irimo Barrena): Iturria. Izen erroa aztertuko bagenu trikuharritik datorrela pentsa liteke. Hemendik, eta ezkerraldeko pista jarraituz, lurjota dagoen Miso baserrira iritsiko ginateke. Beheruntz Burubikora edota Bergaratik Zumarragara doan bidera. Hor goruntz jarraituz...
- Aldabeko iturria (Uzarraga): Arizti baserriaren inguruan, bide baztarrean, ur ederra duen iturri hau dago.
- Ariztiberri eta Ariztizar (Uzarraga): Lehena, herrian dugun baserririk berriena da, mende honen 30eko hamarkadan egina; eta aurrerago, bere antzinakotasuna gordez, Ariztizar.
- Bidaurre (Uzarraga): Eskumaldean, Benitua lagata, bere izenaren jabe den Bidaurrera iristen gara. Badirudi etxe aurre honetatik Bergarako galtzada zaharra pasatzen zela. Bertatik datorkio izena ere: Bide+aurre. Nahiz eta eraberritua egon, bere antzinakotasunaren lekuko da iparraldean daukan armarria. Bertatik, eta Zabala baserritik abiatzen den bidexkatik, Uzarragatik datorren bideraino; hemendik Antzuolara.
