- Denbora: 4 ordu
- Distantzia: 11,48 km
- Zailtasuna: Erdi mailakoa
DESKRIBAPENA:
- Elgeta. Elgetako hirigunetik irten eta hartu Gi – 2639 Eibarko errepidea, San Roke baselizaren ondotik, errepidearen paretik eta larragibel-ziarreko bidekurutzea igaro ondoren, Eguzkitza (Larragibel) baserriaren albotik jarraitu.
Lurrezko bidetik abiatu mendi hegitik gora. Ekialdera, besteak beste, Bergarako bailara, Irimo mendia, Aralar eta Aizkorri izango ditugu begi-bistan. Pinudi eta alertze artean, Pago haundi deituriko lautada txikira helduko gara.
- Egoetxeaga auzoa: Puntu honetan, Egoetxeaga auzora doan bidetik aurrera egin, Egoetxeaga baserriaren gainekaldetik. Hurrengoko bidekurutzean ezkerreko bidea hartu, berehala aldapan behera Aurtengo (Egoetxeaga aurtengoa) baserria dago eta ondoren, Barrenengoa (Egoetxeaga barrenengoa). Hemen basoko pista hartu eta pinadi artean, aldapan behera Aixola urtegira ailegatuko gara.
- Aixola urtegia: Urtegiaren sarreran Urbedeinkatu baserria eta sasoi batean errota izandako Txakilikua daude. Urtegi guztia inguratu eta Aixola errekaren albotik, porlanezko pista hartu eta Elgetako frontoiaren ingurura igoko dugu.
