- Denbora: 3 ordu
- Distantzia: 10 km
- Zailtasuna: Erdi mailakoa
DESKRIBAPENA:
- Leintz-Gatzaga. Ibilbidea Leintz Gatzaga herrian Dorleta Santutegiko errepidean hartzen den gunean hasten da, bertan jarrita dagoen seinaleari jarraituz. Lehen metroak aldapan behera egingo dira, hasierako zatian, gainera, eskailera batzuk jaitsi ondoren zelairik zelai Deba ibaia ikusi arte.
- Bengoerreka parkea. Deba ibaia gurutzatu, puntu erdiko zubi gainetik eta, Bengoerreka parkea ikusiko duzu, inguru benetan ederra. Ibilbideak gorantz egiten du lurrezko bidea jarraituz. Bide honetan bertako landaretza ugari ikusten da; gaztainondoak, urritzak...
- Santa Columba baseliza. Santa Columba baselizara heltzean, alboan dagoen gatz museoa ikusiko dugu. Hemen ibilbidea PR-Gi 37 ibilbidearekin elkartzen da eta bide berdinetik jarraitzen dute Dorletako Santutegiraino.
- Dorletako Santutegia. Hemen bidearen zailtasuna aldatzen da eta aldapan gora eginez poliki-poliki Olaun Behekoa baserrira heltzen gara.
- Olaun auzoa. Baserri honen albotik aurrera segi, berehala Gi-627 errepidea gurutzatu beharko da. Ondoren, asfaltatutako pista jarraitu eta Olaun Erdikoa, Olaun Gainekoa eta Artabilla baserrien albotik aurrera egin. Maldan gora eginez Eskoriatza herriko Aitzorrotz mendia eta garai batetako gazteluaren kokapena ikusiko ditugu. Bertatik Eskoriatza, Aretxabaleta, Leintz Gatzaga eta inguruko elizateetako paisaia dotoreaz gozatu daiteke.
- Aitzorrotz. Aitzorrotzetik Leintz Gatzagarako ibilbidea, bide beretik egiten da.
