Debagoiena Baserri Sarea

Habearte bakarreko eliza, hiru atalez eratua eta lunetadun kanoi gangaz estalia. Absidea zirkuluerdi formakoa erdi-puntuko arku batez markoztaturik, eta hor erretaula bat. Korua zurezko eskudelduna, bi zutabe eta bi pilastra gainean. Zorua zurezkoa, aldarerako harrizko eskailerak izan ezik. Hiru bao ditu epistolaren aldean eta hiru ebanjelio aldean ere, eta idi begia elizaren oinetan. Sarrerako atean arku zuzena, portiko txiki batez babesturik. Elizaren oinean, oinarri karratuko dorrea eta buruan haize orratza gurutze forman.