- Denbora: 4 ordu
- Distantzia: 18,78 km
- Zailtasuna: Goi mailakoa
DESKRIBAPENA:
- Antzuola: Jarrai dezagun bosgarren ibilbidea Arrandariko bidegurutzera arte (Zabaldoko iturria). Hemen, eskumaldera hartu beharrean, Azaldegietara alegia, Arrandarira hartu.
- Arrandariak (Irimo Barrena): Bi baserri dira: lehena, Ozaeta; bigarrena, Torrekua. Eraberrituak egon arren, inguruan ikus daitezke alberga, labea... Korosoko galtzada hartu eta...
- Agiñaerreka (Irimo Barrena): Naturgune interesgarria, Antzuolan dauzkagun hagin zuhaitz bakarrak bertan daude eta.
- Arrandari-Korosoko bidea (Irimo Barrena): Garai bateko galtzada zaharrari jarraituz, eta Egiandiko pagadia zeharkatuz...
- Koroso (Irimo Barrena): Bertan dagoen iturrian ura edan nahi izanez gero, beheruntz doan bidea hartu behar da; 200 metrora dago.
- Argilekuko txabola (Irimo Barrena): Arrolako bidean dago, eta urte berriarekin batera, Arrola mendi elkarteak bertan ospatzen du urteroko txistorra jana. Inguru ederra Aitzgorri ingurua ikusi ahal izateko.
- Arranoaitz (Basalde): Gutxira arte burdinezko gurutzea baldin bazegoen, orain buzoia eta oroigarri bat besterik ez dago. Paraje zoragarria mendiak (Aitzgorri, Udalaitz, Andarto, Anboto, Gorbea,...) eta inguruak ikusi ahal izateko.
- Arrolamendi II (Basalde): Arrola mendira iritsi aurretik, monumentu megalitikoa: Tumuloa.
- Arrola (Basalde): 907 metro dauzka, eta 60-80 metrora iturria dago. Paraje ederra. Beheruntz, Urretxu eta Legazpiko inguruak ikusten dira.
- Arrolamendi III (Basalde): Arrola mendia pasa eta gero, monumentu megalitikoa: Tumuloa.
- Lakiriola (Basalde): Iturria, eta ezkerraldetik hasten den pista bati jarraituz gero, 500 metrora, beste oroigarri bitxi bat dago. Inguruan Legazpiko elkarte bat dago.
- Deskarga (Basalde): Mendate honetan dago 1 zenbakia duen mugarria; bertan dago baita Urretxu, Legazpi eta Antzuola udalerrien mugarri bateratua ere. Antzuolatik Zumarragara doan bidea zeharkatuz, bertatik gora hasten den pista bati jarraituz...
- Trekutz (Irimo Goena): Atseden lekua, bertan Gaztelu Gain izeneko elkartea dago; inguruan, hondatutako tumuloa. Paisaia bikaina du inguru honek. Hemendik, porlanez egindako bidea, eta Basalde auzoa behean lagata, Irimo Goena auzoa zeharkatuko dugu Antzuolaraino. Bost kilometroko jaitsiera zoragarria.
