Gesalibarreko Santa Ageda oso ezaguna izan da eta da. Otsailaren 5ean ospatzen diren bertako jaiak inguruko bailaretan ezagunal dira. Gaur egun ere inguruko gazteak, eskualde-jantziekin (blusa, milarraizako prakak, larruzko abarkak, zapia lepoan eta txapela) jaiaren bezperan heltzen dira bertara, baserri urrutienetan ere santaren omenezko gorespenak kantatu ondoren. Hain arrunta bilakatu den ohitura hau Gesalibarren hasi zen antzina-antzinan. Gesalibarren bertso originalenak kontserbatzen dira, urtez-urte errepikatzen direnak. Hona hemen bertso hauen adibide bat:
Bedeinkatua Izandedilla
Etxe ontako gentia
Pobre ta umill dabillenentzat
Badute borondatia
Santa Martiri maitia
Dago errukiz betia
Berak alkantzatuko digula
Osasuna ta pakia
